Dkt. Mathew Ogalo Silas ni Naibu Mkurugenzi Mkuu katika Mamlaka ya Kusimamia Uvuvi wa Bahari Kuu (DSFA), Zanzibar, Tanzania. Dkt. Silas ana Shahada ya Uzamivu (PhD) katika Toksikolojia ya Baharini (Marine Ecotoxicology) kutoka Chuo Kikuu cha Stockholm, Uswidi (2022), ambapo utafiti wake wa udaktari ulijikita katika uchambuzi wa mifumo ya uvuvi wa pwani kwa wavuvi wadogo na usimamizi wa uvuvi wa kijamii nchini Tanzania, hususan jinsi sekta hiyo inavyojiboresha kukabiliana na mabadiliko ya tabianchi. Aidha, ana Shahada ya Uzamili (MSc) katika Baiolojia na Usimamizi wa Uvuvi (Fisheries Biology and Fisheries Management) kutoka Chuo Kikuu cha Bergen, Norway (2011), na Shahada ya Kwanza (BSc) katika Sayansi ya Mazingira ya Maji na Uhifadhi (Aquatic Environmental Science and Conservation) kutoka Chuo Kikuu cha Dar es Salaam, Tanzania (2007).

Kabla ya kushika wadhifa wake wa sasa, Dkt. Silas aliwahi kuwa Afisa Utafiti Mwandamizi katika Taasisi ya Utafiti wa Uvuvi Tanzania (TAFIRI), na baadaye kuwa Meneja wa Utafiti na Maendeleo ya Uvuvi katika Mamlaka ya Kusimamia Uvuvi wa Bahari Kuu (DSFA).